Olu Finnmárkku politihkkárat gáibidit ráđđehusas ovtta mađe áirasiid Finnmárkku ja Romssa fylkkaid oktasaš stivrii. Dalle sáhttet easka árvvoštallagoahtit nammaditgo áirasiid dasa. Dán stivrra bargun livččii ráhkkanahttit dán guovtti fylkka ovttastahttima. Nu mo dál lea, de eai loga ovttadássásašvuođa go Finnmárkkus leat 9 áirasa ja Romssas ges 19.
Diibmá Biebmobearráigeahčču ii miehtan plánaide viiddidit bieggafápmorusttega Rákkočearu alde, dan dihte go jus ribahit golgat kemikálaid de livčče golgat juhkančáhcái.
Biebmobearráigeahčču gesii ruovttoluotta vuostecealkámuša go fitnodat mearridii sirdit njeallje turbiinna.
Rákkonjárgga orohaga jođiheaddji Johan Magne Andersen fuolastuvvu go gullá NRK:s ahte áigot fas sirdit turbiinnaid.