Oahppogirji suhttada sápmelaččaid
Yggdrasil luonddufágagirji suhttada sámi váhnemiid. Girjjis lea okta oassi Boazodoalu birra. Lea muitalus bohccuid ja luonddu birra ja movt boazodoallobearaš johtá ja bargá. Muhto girjjis maid čállo ahte boazodoalus leat vuodján fievrruiguin ja billistan luonddu, ja dálveguohtumat leat billahuvvan go leat beare olu bohccot. Bargobihtás maŋŋelis jerro leago du guovllus boazodoallu ja makkár váttisvuođaid dat buktá. Girji gilvá ohppiide heajos oainnu boazodollui, ja boazodoalu mánáide fas heajos iešdovddu. Oaivvilda eadneolmmoš Maja Lisa Kappfjell, nu čállá Ávvir áviisa.