Mearrabivdit hálidit váidit stáda
Nordlándda fylkka mearrabivdit lohket eiseválddiid beahttán go reahka- ja guollebivdiid ealáhussii diktet čuohcat guollebiebmanealáhusa, mii lea jođánit stuorrumin. Nu bođii ovdan Nordlándda guolástansearvvi jahkečoahkkimis ja dál sii áigot geahčadit vejolašvuođa áššáskuhttit stáha. Stádačálli Roy Angelvik lohká iežaset váldit mearrabivdiid vuorjašumi duođas, muhto datte leat iešguđetlagan áddejumit man sakka luossadihkiid jávkadandálkasat leat. Nu čállá Angelvik NRK:i.