Mo ovddidit sámegiela ealli giellan
Sámi fágagirječálliid ja jorgaleaddjiid searvi (SFS) áiggošii lágidit seminara skábmamánu 23. beaivve Kárášjogas. – Mo dás dohko galgá ovddidit sámegiela ealli giellan. Dás ii leat sáhka revitaliseremis, muhto mo nannet ja ovddidit eatnigiel' dimmenšuvnna, čállá SFS-jođiheaddji Lill Tove Fredriksen (govas) e-poasttas maid lea sádden sámediggepresidentii. Presidenta bovdejuvvo kommenteret Váibmogiella-ráportta.