Romssa ja Finnmárkku náittosdilli
Váikko gielddaministtar lohká Stuorradikki mearrádusa leat lobálaš, de Guovddášbellodaga stuorradiggeáirras Sandra Borch ii vuollán ja doaivu ain ahte Stuorradiggi máhcaha mearrádusa ahte bákkus náitit Rommsa ja Finnmárkku. – Mii leat registreren ahte guovddáš láhkačeahpit eai leat duhtavačča stáhtaráđi vástádusain, ja čuoččuhit mearrádusa ain leat láhkarihkkun, lohká Borch.
Earret eará dan geažil áigu Guovddášbellodat golggotmánu 2. b. evttohit Stuorradikki máhcahit bággoovttastahttin mearrádusa.
– Muhto maiddái dan geažil go finnmárkulaččat álbmotjienasteame bokte leat nu garrasit vuostálastán stuorradiggemearrádusa, čilge Borch.