Eai sihkas vuoigatvuođaid
Norgga ráđđehusas eai leat makkárge áigumušat Finnmárkku erenomáš vuoigatvuođaid sihkastit eret. Dan muitala ealáhusministtar Torbjørn Røe Isaksen. Olgešbellodaga nuorat dat evttohedje mannan vahkus ahte Finnmárkkus ja Davvi-Romssas galggašii dál eret sihkastit daid erenomáš vuoigatvuođaid. Olgešbellodaga ealáhusministtar dadjá dán leat heajos evttohussan. Dán áššis eai leat bellodagas ságastallan. Dat geat Finnmárkkus ja Davvi-Romssas ásset mákset earret eará unnit vearu.