Giedtie båata musserisnie
Dej minngemes vijhte jaepieh lea bijjelen golmetjuetie bovtsh moetesjemme Nordlaanten ruvtieraajoengæjnoesne.
Daan vahkoen eelkie BANENOR giertesjidh ruvtieraajroen lijnaen bealesne, Musseren åarjelen Helgelaantesne, gusnie dihte verremes moetesjimmie orreme jih vuestierisnie gaalka golme mijle giertesjidh. Dennie sijjesne gusnie daelie giedtiem bigkeminnie Jillen njaarken sijtesne leah ruvtieraajroe measta gaektsie-stoerretsiehkie bovts njeervemme dah minngemes luhkie jaepieh.
Jillen njaarken sijten åvtegke Torstein Appfjell aavoede daelie giedtiem bigkede sov sijtesne jih sobpste dah hov jijjneh bovts dasseme ruvtieraajroengæjnoesne jih daelie maahta åvtese veartasjidh jih dihte hååhkesjeminnie daelie leah minngemes aejkien bovts dunnie sijjesne dasseme.