Ráđđehus lihkuha eamiálbmogiid
– Lihkku beivviin buot sámiide ja eará álgoálbmogiidda máilmmis, dadjá gielda- ja ođasmahttinministtar Monica Mæland preassadieđáhusastis. Ministtar dadjá ahte áddet sirdolašvuođa ja johtima lea guovddážis go galgá áddet mo ain eambbogat sámiin Norggas ellet iežaset eallima. Maŋimuš jagiin lea olmmošlohku njiedjan máŋgga árbevirolaš sámi guovllus, ja ain eanet sámit orrot gávpogiin ja čoahkkebáikkiin.