Ambulánsagirdit eai girdán
Okta ambulánsagirdi Álttás ja guokte girdi Gardermoenis, eai sáhttán girdit go váilo bargit. Dasa lassin ahte váilot pilohtat, dál váilot maiddái teknihkarbargit maŋŋel go oallugat leat dieđihan ahte sii eai sáhte bargat Lufttransport nammasaš fitnodagas. – Sis lea doarvái buorre gelbbolašvuohta, muhto sii leat vuorjašuvvon go lea plánejuvvon sirdit teknihkalaš divodeami Ruŧŧii, dadjá Lufttransport beaivválaš jođiheaddji Frank Wilhelmsen.