Hieredin alvos dáhpádusáv
Vihtan ja lagámus rádná jáddihin dav mij lij máhttet sjaddat alvos hiehte gå buolláj soames suohkana årruhin Ájluovtan Divtasvuonan iektu iehkedis.
Ettjin aktak rubbmelattjat vahágahteduvá.
Åroj la akta gålmåt årruhijs, ja ráddnáårruhin lidjin aj smávmáná oademin.
Bájkálasj buollemdåjmadahka diededuváj 2140, valla rádná lidjin juo dålåv jáddim åvdås gå jåvsådin dasi soames minuhta maññela.
Nav guhkás e aktak diede manen buolláj, valla vihtana subtsastin buollemin lij jur dan årruha ålggouvsa sisbielen gå båhtin jádditjit.