Guovdageaidnu sáhtá bissut 4.div
Guovdageainno njealját divišuvnna joavku šattai nubbin vuolemussan divišuvnnas, ja njuolggadusaid mielde galgá čiekčat viđat divišuvnnas boahtte jagi, muhto jus oarje-Finnmárkkut viđat divišuvnna joavku Fálesnuorri ii váldde vuostá 4.divišuvnna saji, de sáhttá Guovdageaidnu bissut divišuvnnas.
Fálesnuori hárjehalli Lasse Hansen lohká ahte sii áigot mearridit varra juo dán vahkkus, sáhttet go váldet vuostá saji vai eai. Sii šaddet árvvoštallat dan ahte leago sis ekonomiija ja doarvái čiekčit lávket njealját divišuvdnii, mas leat joavkkut mielde miehtá Finnmárkku, ja dát mielddisbuktá eanet mátkkošteami.