Eira lohká vástidan boastut
Sámeálbmot bellodaga Ávjovári vuosttas evttohas sámediggeválgii, John Henrik Eira, lohká iežas vástidan boastut go Ságat gažadii su sámediggeválgga birra.
– Son ii oaivvil gal ahte dušše dat geat máhttet sámegiela, galget beassat jienastit Sámediggái. Son oaivvilda ahte politihkkárat geat válljejuvvojit Sámediggái, galget geatnegahttot oahppat sámegiela, nu go Norgga politihkkárat fertejit máhttit dárogiela. Dan dadjá Eira Ságat-áviisii.