Imašta váilevaš vuoigatvuođaid
Guovdageaidnulaš Ole Mathis M. Eira imašta manne guovdageaidnulaččat eai beasa oastit áigodatkoartta go áigot luosa bivdit Deanučázádagas, nugo kárášjohkalaččat ja deatnulaččat besset. – Johka álgá Guovdageainnu suohkanis, ja suohkanis leat maid oaggunsajit čázádagas, dadjá Eira Ávvirii. Guolástanhálddahusa ráđđeaddi Narve S. Johansen fástida ahte hálddahus čuovvu Deanulága. – In leat gullan ahte mii leat smiehttan doibmii bidjat Guovdageainnu Deanočázádahkii, dadjá Johansen áviisii.