Márkomeanu festiválas Mátta-Tromssas lea dál ođđa buvttadeaddji. Son lea Anne Henriette Hætta Reinås, bajásšaddan Skániid ja Evenášši guovllus. Reinås lohká dán šaddat somás hástalussan masa illuda. Son bargá festiválabuvttadeaddjin boahtte jagi festivála rádjai.
Diibmá Biebmobearráigeahčču ii miehtan plánaide viiddidit bieggafápmorusttega Rákkočearu alde, dan dihte go jus ribahit golgat kemikálaid de livčče golgat juhkančáhcái.
Biebmobearráigeahčču gesii ruovttoluotta vuostecealkámuša go fitnodat mearridii sirdit njeallje turbiinna.
Rákkonjárgga orohaga jođiheaddji Johan Magne Andersen fuolastuvvu go gullá NRK:s ahte áigot fas sirdit turbiinnaid.