– Divttasvuonáššit nationála roassu
Sámediggepresideanta Vibeke Larsen oaivvilda ahte Divttasvuona rohcošanáššit leat nationála roassu. Nu cealká NTB:i. Larsen lea čállán breava justisministarii Per-Willy Amundsenii ja mánáid- ja dásseárvoministarii Solveig Horne:i, ahte máŋgga gillájeaddji eai oačču veahki. Leat oktiibuot 120 rohcošanášši maid politiijat dutket, main 80 olbmo návdojuvvojit leat rohcošan. Áššis leat dán rádjai registrerejuvvon 70 gillájeaddji, ja eatnážat dáin leat nieiddat geat ledje gaskal 7 ja 16 jagi go rohcošuvvojedje.