Suohkanii soaitá ollu ruhta
Tromssa fylkkaráđđelahttu ja ovddeš sámediggeáirras Willy Ørnebakk (Bb) evttoha ahte Tromssa fylkkagielda juolluda golbma miljovnna kruvnno Návuona suohkanii, ásahandihtii eanet bargosajiid. Odne barget nu eatnat go 66 proseanta gielddalaš, fylkkagielddalaš dahje stáhtalaš suorggis. Danin háliida fylkkagielda eanet priváhta bargosajiid suohkanii.