Boazodollui hálbbit skohteriid
Sámedikki Olgeš- ja Ovddadusbellodat árvaleaba dálá Ráđđehussii ahte boazodolliide galggaše seamma fievrodivat geahpadusat go eanandoalus. Ovdamearkkadihte árvalit golbma divákeahttes muohtaskohtera juohke dollui, ja seammas evttohit hálbbit bensiinna nugo boanddain dál lea divakeahttes diesel. Bellodagat ávžžuhit ráđđehusa ásahit dán ortnega juo dán jagi, ja dát ii galgga sin mielas dagahit nu olu liige goluid stáhtabušehttii.