Fuomášuhttet boazodoalu hástalusaid
Odne álgá Noereh nuoraidsearvvi riikkačoahkkin Troandimis, gos badjelaš 60 norggabeale sámenuora čoahkkanit dán vahkkoloahpa. Čoahkkimis áigot erenoamážit ságastallat máttasámi boazodoalu hástalusaid bieggafápmohuksemiiguin. – Go juo deaivvadit justa fal máttasámi guovllus, de heive fuomášuhttit daid áššiid, dadjá Noereh-jođiheaddji Isalill Kolpus. – Riikačoahkkin šaddá dego Tråante-lágidemiid joatkka, lasiha son vel.