Gáibida ahte heitet nuoskkideames
Norgga eiseválddit gáibidit ahte Ruošša koallafápmorusttet Trust Arktikugol, Barentsburgas, Svalbárddas heaitá nuoskkideames. Birasdirektoráhtta lea gohččon fitnodaga mii eaiggáduššá fápmorusttega, čielggadit buhtistanvejolašvuođa, nu muitala ossodathoavda Harald Sørby. – Sis lea gulahallan fitnodagain, mii nuoskkida ja sii leat bargamin oažžut fitnodaga geahpedit nuoskkideami ja luoitima, dadjá Sørby.