Ii hálit oljodoaimma
Guovddášbellodaga prográmmakomitea dadjá ovttajienalaččat ii oljo- ja gássadoibmii Lofuohtas, Viestterállasis ja olggobealde Sážžá, dan čállá Klassekampen. De ii oaččo Bargiidbellodat veahki rukses-ruoná siiddus, maŋŋel go bellodat buvttii kompromissaárvalusa, gos sii árvalit suddjet osiid dáin báikkiin, seammás go eará osiin čađahit váikkuhusguorahallama. Sosialisttalaš gurutbellodat lea juo dadjan ahte sii eai hálit ahte ohcet oljju ođđa báikkiin.