Čadnuiga murrii gitta
Ii leat vissa dušše Sámis ahte olbmot čadnojit murrii gitta, dan čállá Mail Online. Ođđajagiruohta jámii 52-jáhkasaš nissonolmmoš Bolivias go geahččalii gádjut bártnis ja nieiddas geat leaigga sivahallon suoládan biilla. Soai leigga vigiheamit, muhto goitge soapmásat geat atnet iežaset lága bajábealde, válde nissona gitta ja čatne su murrii gitta. Muoras ledje mirkogotkkat mat gaskkašedje su nu bahuid ahte son jámii. Su nieida ja bárdni maid gaskkahalaiga bahuid, muhto beasaiga heakkas eret dan ráŋggáštusas.