Ii hálit friddjavuodjima
Deanu sátnejođiheaddji Frank Ingilæ ii hálit friddjavuodjima čáhceskohteriiguin Deanu čázádagas. Dan čállá Ingilæ NRK:i, maŋŋel go Dálkkádat- ja birasdepartemeantta lea evttohan sihkkut riikaviidosaš čáhceskohter njuolggadusaid, ja baicce diktit suohkaniid ieža mearridit báikkálaš čáhceskohternjuolggadusaid. Ingilæ ballá čáhceskohteriid muosehuhttit bivdiid ja luosa. Muhto son lea ovttaoaivilis skohtervuoddjiin Morten Blieniin, ahte suohkanin galggašii leat lohpi sierravuodjinlobiid addit čáhceskohteriidda, ja muohtaskohteriidda rabas čázi alde, ovttaskas lágidemiid oktavuođas.