Ovdanbuvttii varas loguid
Norgga stáhtaministtar Erna Solberg ovdanbuvttii varas loguid mat čájehit ahte ohppiid jávkan lea njiedjan Finnmárkku joatkkaskuvllain. Njiedjan lea olles 47ain proseanttain juovlamánu 1.beaivve rádjai, maŋŋá go ráđđehus čavgii rávkanráji 10 prosentii. Solberg lohká NRK:i jávkannjuolggadusa doaibmat ja ahte leat ožžon eret lobiheames jávkama. Beaivejávkan lea njiedjan 46 proseanttain, ja tiibmojávkan meastta 20 proseanttain. Dát lea buorre ođas, lohká stáhtaministtar.