Gottii 3 olbmo
Nuortalulle- Suomas dáhpáhuvai ikte vearrás báhčaleapmi. Nuorra dievdu bážii ja gottii golbma nissonolbmo Imatra gávpoga guovddážis muhttin restoráŋŋa olggobealde. Politiija válddii dievddu gitta ovttatmano dagu maŋŋel ja báikkis ledje ollu eará olbmot. Politiija čielggadeami mielde dievdu lea válljen oaffariid soaittáhagas. Politiija ii leat muitalan maidege manne dievdu bážii. Dáhpáhus lea dagahan lossa morraša Imatra gávpogis.