Árvoštallet eará fievrredanvugiid
Dál lea vuordimis ahte čielggadit movt Sydvaranger ruvkii čuohcá lihkohisvuohta mii dáhpáhuvai mannán vahkkoloahpa. Okta bargi sáddejuvvui buohccivissui bearjadaga, go geasehat deaivvai toga lokomotiivva, ja dat lokomotiiva fievrreda málmma ruvkkes. Stivra árvvoštallá dál eará vugiid movt fievrredit geđggiid Girkonjárgii. Muhto jus giddejit ruvkke dálvái, de mearkkaša dat ahte olu bargit fertejit heaitit barggus árabut go maid ledje vuordán.