Hopp til innhold

Ballet gártat eret reabbábivddus

Vuotnaguolásteaddjit Várjjatvuonas ja Porsáŋggus ovddidedje garra moaitámušaid iežaset váldo searvvi Guolástussearvi Davvi vuostá, go lea evttohan bajidit gonagasreappá unnimus bivdoeavttuid 100.000 kruvnnos gitta 500.000 kruvdnui. Dál besset buot guolásteaddjit nuorta-Finnmárkkus bivdit reabbái jos eará guliid bivdet unnimusat 100.000 kruvnnu ovddas. Lassin evttoha searvi rahpat bivddu mii dál lea várrejuvvon nuortta Finnmárkku guolásteddjiide, eará Finnmárkulaččaide. Vuotnaguolásteaddjit ballet evttohusain gártat eret reabbábivddus.

Korte nyheter

  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.

  • Den siste episoden denne sesongen

    Lågå julevsámegiellaj.

    Podkasten «Dálla ja dalloj» publiserer i dag den siste episoden av denne sesongen. Denne episoden er fra liveopptaket med Sander Andersen i Bodø i februar.

    – Vi er så glade for å ha startet og publisert denne podkasten, og nå ønsker vi å treffe nye folk og høre flere historier. Og jeg håper folk vil snakke med oss når de nå vet hvordan vi jobber, sier programleder Naima Kahn Nergård når siste episode av denne sesongen slippes i dag.

    Alle episodene kan du høre her, eller på appen NRK Radio.