Čállán reivve Disney
Máilmmiviidosaš guoimmuhanfitnodat Disney finai gieskat Kárášjogas oahpásmuvvamin sámi kultuvrii ja gullat mii das livččii sidjiide viežžan láhkai. Sámediggepresideanta Aili Keskitalo leage dál čállán reivve Disney dáhkidan dihti ahte Disney atná sámi kultuvra árvvus, jos ráhkadit filmma mii lea inspirerejuvvon sámi kultuvrras. Disney gesii aiddo bále ruovttoluotta biktasa Moana animašuvdnafilmma oktavuođas, go Polynesia álgoálbmoga mielas dat lei rasisttalaš, čállá Dagbladet.