Fylkamánni moaita NAV
Finnmárkku fylkamánni moaitá Fálesnuori suohkana NAV, dahje bargo- ja čálgohálddahusa. Rapportas lea čállon earret eará ahte suohkan ii leat sihkkarasten dohkálaš čuovvoleami bálvalusain dego dieđáhusas, rávvemis ja neavvumis ja ekonomalaš veahkkeruđas. Fálesnuori ráđđeolmmái, Gunnar Lillebo, dadjá ahte muhttin oasit sáhttet buoriduvvot, ja ahte sii leat juo álggahan doaimmaid vai buoridit osiid.