Sámefilmmas vuosttaščájáhus Oslos
– «Ivnnit» lea badjelaš čiežaminuhtasaš miellagovahallan oktan ivnniiguin. Nu čilge Ann Holmgren iežas ođđa oanehašfilmma birra, mii lea mánáid várás. Oslo sámemánáidgárdi Cizáš dat lea mii bovde sihke mánáid ja ollesolbmuid boahtit geahččat filmmaža, bearjadaga tiibmu 10:00. Filmmaš bistá badjel čieža minuhta, ja váldorollas lea neavttár ja dánsejeaddji Laara Stinnerbom. Anna Sunna lea ges filmma muitaleaddji.