Álbmot ferte eaiggáduššat meara
Álbmot dat ferte eaiggáduššat guoli ja eará mearraresurssaid, ja dát berre čállot vuođđoláhkki. Dan lohket Sosialisttalaš Gurutbellodaga ovddasteaddjit Audun Lysbakken, Kirsti Bergstø ja Torgeir Knag Fylkesnes. Guolleearri máksá otne eambo go okta stuorra barta Sáččás ja guolli lea šaddan menddo divrras dábálaš olbmuide, lohket sii. Ja go mearra vuođđolágas oažžu suoji, de resurssaid sihkkarastojit riddoservodahkii.