Árvvoštallet loahpahit ášši
Politiijat leat iskan buot cavgilemiid ja vejolašvuođaid áššis gos Kaisa Beddari jávkái, ja sii eai leat gávdnan vástádusa dasa mii suinna dáhpáhuvai. Golbma jagi maŋŋel go Beddari, gii lei badjelaš 80 jagi, jávkái Beahčeveajis, Mátta-Várjjagis, árvvoštallá stáhtaadvokáhtta loahpahit ášši. – Sis ii leat mihkkege maid sii sáhttet dutkat šat, dadjá politiijaid dutkama ovddasvástideaddji, Torstein Pettersen. Orro nu ahte stádaadvokáhtta loahpaha ášši oanehis áiggi siste.