Veahkaválddálašvuođa doaibmabijut
Jagi 2008 ovddidii ráđđehusa veahkaválddálašvuođalávdegoddi guoktenuppelohkái doaibmabijuid mat galge buorit dili sidjiide geat leat vásihan seksuála veahkaválddálašvuođa. Dál gávcci jagi maŋŋil go evttohusat ovddiduvvojedje, de leat ain máŋga daid doaibmabijuin mat eai leat vel čađahuvvon, dieđiha NTB. Son guhte dalle jođihii Lávdegotti, Rita Sletner, lohka leat duhtavaš dainna go máŋga sin evttohusain leat čađahuvvon, muhto duhtameahttun go leat árvalusat mat eai lat čađahuvvon, dieđiha NTB.