Eamiálbmotdutkan
Eamiálbmotdutkamiin lea unnán sáhka sohkabeliin ja nu jávket dehálaš bealit das, dadjá Romssa Universitehta álgoálbmotdutki Torjer A. Olsen. Son lea kritihkalaš muhtin beliide dutkamis, go oaivvilda ahte guđđet dehálaš osiid dego sohkabeali. Go sohkabealis lea sáhka, de lea maid sáhka fámus, erohusain ja riidduin. Ja dát bealit eai čága eamiálbmotdutkamii. Dutkamis lea dáhpin deattuhit baicca siskkáldasoktavuođa ja harmoniija. Dán čállá Forskning.no.