Fatnasa alde čuggii nuppi albmá
Muhtin 22 jahkásaš almmái fertii odne dikki ovdii Nuorta-Finnmárkku diggegottis go lea áššáskuhtton roavvát loavkašuhttánnuppi olbmo go su čuggii niibbin fatnasa alde Báhcavuonas. Áššáskuhttii dieđuid mielde de čuggii 22 jahkásaš dievdu guovvamánus dan nuppi albmá raddái, ja dat mielddisbuvttii siskkáldas vardima ja geahpa ráigánii. Lea biddjon guokte beaivve dán áššái, mas lea bajit ráŋggáštusmearri 6 jagi giddagasas.