Guhkes filbma čájehuvvo Venezias
Guhkes filbma Sameblod, mainna bagadalli Amanda Kernell lea bargan maŋimuš jagiid, čájehuvvo vuosttas geardde Venezia filbmafestiválas čakčamánus. Filbma lea báddejuvvon Deartnas ja Stockholmma birrasis, ja dat muitala nuorra sámenissona čalmmiiguin 1930-logu Ruoŧas, ja mo dien áigge nállebiologiija ja kolonisma váikkuhii sutnje ja su sámi iešdovdui. Preassadieđáhusas čilge bagadalli Amanda Kernell iežas čevllohallat, go vuosttas guhkes filmmas beassá čájehit nu dehálaš festiválas go Venezia filbmariemuin.