Oadjebasabut dilli pasieanttaide
Vuosttaš geardde besset dál buot Davvi-Norgga doaktárat ja buohccedivššárat pasieantajournálaide visot Davvi Dearvvašvuođa 11 buohcceviesuin. Ovdal leat doaktárat fáhkkadilis šaddat viežžat dieđuid buhcciid birra eará dearvvašvuođabargiid bokte. Dan muitala UNN Romssa fáhkkamedisiinnalaš klinihka bajitdoavttir Bård Rannestad. Son oaivvilda ahte fáhkkadilis sáhttet oktasaš journáladieđut leat mielde gádjume heakkaid.