FeFo ii berre searvat mielde
Finnmárkku opmodat, FeFo ii berre doarjut dahje searvat bieggafápmoásahemiide, oaivvildit sámediggi ja norga boazosápmelaččaid riikkasearvi. Finnmárku fylkkagielda fas oaivvilda ahte lea buorre go fefo maid lea mielde ásaheamen ja doarjumin bieggafápmohuksemiid. Sámediggi ja NBR čujuheaba ahte bieggafápmorusttegat duvdet árbevirolaš sámiid ealáhusaid eret dáin guovlluin. Finnmárku opmodat lea dál doaibman logi jagi.