Ruvkečoahkkin Oslos
Sámediggi lágida ihttin duorastaga sierra čoahkkima Norgga oaivegávpogis, Oslos, gos lea sáhka Nussir ruvkedoaimma servodatekonomalaš váikkuhusain. Sii eai leat geange hilgon dahje biehttalan boahtimis čoahkkimii, dadjá Sámediggeráđđi, Silje Karine Muotka. Son lohka sádden sierra reivve Fálesnuori suohkanii čoahkkima birra. Ihttin lágiduvvo čoahkkin Oslos ja geassemánu 6.beaivvi Kárášjogas, Sámedikki dievasčoahkkima oktavuođas, dadjá Silje Karine Muotka.