Jannok Ijahis Idjii
Ruoŧa Sámi artista Sofia Jannok lea dán jagi Ijahis ija festivála váldonásti. Ijahis ija buvttadeaddji Oula Guttorm muitala, ahte dán jagi festiválalávddis kulturguovddáža Sajosa šiljus leat vuosttaš háve konsearttat sihke bearjadat- ja lávvardateahkeda. Konsearttaid lassin prográmmii gullet earret eará teáhterčájálmas ja sámi valáštallangilvvut. Ijahis idja ordnejuvvo Davvi Suomas Anáris borgemánu beallemuttus. Dan čállá YLE Sápmi neahttasiiddustis.