Gihpa ii jorgaluvvon sámegilli
Ođđa diehtogihpa mánáidsuodjalusa birra lea jorgaluvvon 11 gillii, muhto sámegiella ii leat dáid gielaid searvvis, vaikko sámegiella lea almmolašgiella Norggas. Guovdageainnu sátnejođiheaddji Johan Vasara čállá Twitteris ahte lea vuollánan. Mánáid-, nuoraid- ja bearašdirektoráhta mánáidossodaga Biebmoruoktoossodaga hoavda, Unni Nygaard, dovddaha ahte dás lea geavvan boasttuvuohta. Ii leat dihtomielalaš strategiija dás go eai leat jorgalan dán gihppaga sámegilli. Lea hui buorre go leat fuomášuhttán dán boasttuvuođa sidjiide, lohká Nygaard.