Vejolaš veagalváldin

Politiijat leat dutkamen vejolaš veagalváldima mii dáhpáhuvai Kárášjogas, Finnmárkkus, nu dieđiha Ifinnmark neahttasiidu. – Sii leat gažadan oallugiid áššis, ja go dutket eanet, de sii besset oaidnit mii lea duođas lea dáhpáhuvvan, nu dadjá operašuvnnajođiheaddji, Thomas Pettersen. Son dadjá ahte sii leat aitto álgán dutkat ja danne lea váttis dadjat ahte lea veagalváldin dáhpáhuvvan vai ii. Dát dáhpáhus galgá dáhpáhuvvan priváhta viesus Kárášjogas vuosttaš beassášbeaivi iđđes, ja ledje olu olbmot čoahkkanan feasta geažil. Ovtta olbmo ledje politiijat váldán gitta ja su jearahedje. Dát olmmoš lea áššáiduvvan ja su luite de luovos giddagasas. Gillájeaddji nissonolbmo iske doaktárat ja su leat politiijat maid gažadan.