Nannejit sámi dutkama
Davviriikkalaš ministtarráđđi dáhkida dál viidáset ruhtadeami Sámi Allaskuvlla dutkamii. Sii leat dán radjái jahkásaččat ožžon ruhtadeami ministerráđis, muhto lei árvaluvvon ahte boahtte jagi rájes eai galgga šat oažžut fásta juolludeami. Allaskuvla livččii de gártat gilvalit dáid ruđaid alde eará dutkanásahusaiguin. Otne de čoahkkinaste Sámi Allaskuvlla jođiheaddjit ja ministtarráđi váldočálli Dagfinn Høybråten ja son lohká ahte sii dáinna ruđain nannejit viideset sámi dutkama.