Šibitdoavttir šiehtadus nohkká
Romssa šibitdoavtterortnega šiehtadus nohkká Njukčamánu 31. Beaivvi, ja gieldda olbmot, geain leat eallit, soitet massit šibitdoavtterbálvalusa eahkedis, ihkku ja vahkko-loahpa. Dan čállá Nordlys áviisa. Dan sadjái go fáhkkadárbbu várás atnit bargovuoru buotlágan elliid várás, de áigot bidjat guokte bargovuorroortnega, nubbi buvttadeaddjielliide ja nubbi unna eallážiidda.