Republihkalaš Jeb Bush giessáda USA presideanta válggain. Dan son almmuhii mannan ija dalá maŋŋá go Mátta-Carolina nominašuvnnaválggaid bohtosat ledje čielgan.
Donald Trump vuittii 34 proseantta jienain. Jeb Bush ges oaččui dušše gávcci proseantta jienain, mii lei njeallján buoremus.
Demokráhtalaš válggain Nevada oassestáhtas, ges lei garra gičču Hillary Clintona ja Bernie Sanders gaskka. Válggain Clinton sáhtii eanemusat mojohallat go oaččui badjelaš beali jienain, oktiibuot 52 proseantta.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.