Poasta mii gávdnui maŋŋel go boastagirdi gahčai Davvi-Ruoŧas ii sáddejuvvo viidáseappot vuostáiváldiide. Ođđajagimánu gávccát beaivvi gahčai boastagirdi mii lei jođus Romsii. Guokte olbmo duššaiga lihkuhisvuođas. ja Girdis lei njeallje ja bealle tonna poasta ja páhkat mat galge Davvi-Norgii ja Svalbárdii. poasta lea nu billašuvvan ahte ii sáhte dan šat sáddet viidáseappot, ja sii leat mearridan billidit ja bálkestit dan poastta mii gávdnui maŋŋel lihkuhisvuođa, muitala poastta gulahallandirektevra Elisabeth Gjølme.
Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.
– Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
– Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.
Herman Rundberg ja su joavku Manne dat leat ráhkadan dán luođi.