Oažžu Gonagasa Ánssu medálja
Johannes Edvard Kalvemo dahje Johs Kalvemo nu mo mii su varra buoremusat dovdat lea 40 jagi bargan doaimmaheaddjin NRK Sámis. Odne sutnje geigejuvvo Gonagasa ánssu medálja dán barggu ovddas. Dát medálja lea bálkkašupmi mii juhkkojuvvo giitun dan erenoamáš barggu ovddas maid lea dáidaga, kultuvrra, diehtaga, ealáhusaid, sosiála ja humaniteara bargguid bokte doaimmahan servodahkii ávkin.