Dorvoohcit eai vuolgge
Diibmá lei Norgga ráđđehusa ulbmil ahte 2.300 hilgojuvvon dorvoohci, galge eaktodáhtolaččat guođđit Norgga.
Dušše vuollel bealis dáin dollejedje, muitala Aftenposten.
– Dát mihttolohku lei gal varra menddo stuoris, dovddasta dál Olgoriikkalašdirektoráhta direktevra, Frode Forfang.
Dán jagi lea ges ulbmil ahte 1.600 dorvoohcci, geat eai leat ožžon ássanlobi Norggas, galget guođđit Norgga eaktodáhtolaččat.