Luvvejit muohtauđđasa gássain
Stáhta geaidnodoaimmahat geahččala dál ođđa vuogi mot vuolggahit muohtauđđasa, fylkkageainnus 883:s Skirvái, Álttás, namalassii gássain. Go propána ja oksygena seaguha oktii de dat bávkkeha, ja gokko váruhit udđasa luovvanit, dakko de sáhttet dáinna vugiin vuolggahit muohtauđđasa. Dát lea buorre johtolatsihkkarvuođa dáfus ja eai dárbbas giddet geainnuid guhkit áigái. Dá lea dat vuosttaš guovlu riikkas gii váldá atnui dán vuogi, dát vuohki geavahuvvo earret eará čierastanguovlluin Gaksa-Eurohpás. Rusttet lei geavahan láhkai diimmá čavčča jo, muhto unnán muohttaga geažil eai leat beassan geahččaladdat.