Luoddanamat Gáivuonas
Ikte meannudii Gáivuona suohkanstivra ođđa luoddanamaid maid suohkana nammalávdegoddi lea árvalan. Oktiibuot leat 39 ođđa nama árvaluvvon, 80 proseanta dáin leat dárogiel luoddanamat. Muhtun suohkanstivraáirasat evttohedje rievdadit muhtun namaid. Kristtalaš álbmotbellodaga áirras Magne Monsen árvalii lonuhit Gáivuonbađa nama, Biertavári nammain. Monsena mielas lea dehálaš doalahit namaid mat leat oahpás sidjiide.