Lágidit spáiddarvázzima Álttás
Luonddugáhttenlihttu ja Natur og Ungdom lágidit otne spáiddarvázzima Álttás čájehan dihtii ahte eai dohkket Nussir ruvkefitnodaga nuoskkidemiid. Birasdirektoráhtta attii moatte beaivve áigi Nussir ruvkefitnodahkii lobi luoitit ruvkebázahusaid Riehpovutnii, Fálesnuoris, Finnmárkkus. Dát vuotna lea našunálalaččat ráfáiduhtton luossavuotna, ja birasgáhttenorganisašuvnnat ballet ahte ruvkebázahusat bilidit vuona ja nu čuohcá guliide ja eará mearraelliide.